Mashhur nashr mundialning eng yaxshi futbolchilarini e’lon qildi

Qatar mezbonlik qilayotgan futbol bo‘yicha Jahon chempionatining barcha chorak final o‘yinlari yakunlanganidan so‘ng, "Goal" nashri turnirning eng yaxshi o‘n nafar futbolchisini ma’lum qildi.

Nashr xabariga ko‘ra, mundialning eng yaxshi futbolchisi argentinalik hujumchi Lionel Messi hisoblanadi. Argentinalik o‘z hisobiga Jahon chempionatining beshta o‘yinida to‘rtta gol va ikkita golli uzatma yozdirib qo‘ydi. Ikkinchi va uchinchi o‘rinni fransiyalik Kilian Mbappe va Antuan Grizmann egalladi.

JCHning eng yaxshi futbolchilari:

Lionel Messi (Argentina);

Kilian Mbappe (Fransiya);

Antuan Grizmann (Fransiya);

Dominik Livakovich (Xorvatiya);

Ashraf Hakimi (Marokash);

Bruno Fernandesh (Portugaliya);

Sofyan Amrabat (Marokash);

Risharlison (Braziliya);

Kodi Gakpo (Niderlandiya);

Jud Bellingem (Angliya).

Eng kuchli o‘n nafar futbolchidan olti nafari chempionlik uchun kurashni davom ettirmoqda. Argentina va Xorvatiya terma jamoalari JCH-2022 yarim finalida 13 dekabrda, Fransiya va Marokash termalari esa 14 dekabrda maydonga tushadi.