“Manchester Siti” “Barselona”ning taklifini rad etdi

Angliyaning “Manchester Siti” klubi “Barselona”ning portugaliyalik futbolchi Bernardu Silva bo‘yicha birinchi taklifini rad etdi. Bu haqda “Mundo Deportivo”xabar berdi. 

Manbaga ko‘ra, kataloniyaliklar yarim himoyachini 50 million funt (taxminan 58 million yevro) evaziga sotib olish imkoniyati bilan ijaraga olishga harakat qilgan. “Shaharliklar” Kataloniya klubi vakillariga futbolchi sotilmasligini aytgan.

Shu bilan birga, “Barselona” kelishuvdan umidini uzmayapti. Qayd etilishicha, futbolchining o‘zi ham “Manchester Siti”dan ketishga qarshi emas.  Shuningdek, futbolchiga “ko‘k-anorranglilar”dan tashqari Fransiyaning PSJ klubi qiziqish bildirmoqda. 

Eslatib o‘tamiz, avvalroq “Barselona” germaniyalik futbolchisi Ilkay Gyundoganni La Ligadan ro‘yxatdan o‘tkaza olmayotgani xabar qilingandi. Gyundogan Ispaniyada yangi liga mavsumi boshlanganidan keyin vaziyat o‘zgarmasa, Kataloniya klubi bilan shartnomasini bekor qilishi mumkin.