Maktabgacha ta’lim vazirligi tizimi kengaytirildi

Jamiyat 5873
image
-

“Maktabgacha ta’lim va tarbiya to‘g‘risida”gi qonun qabul qilinishi munosabati bilan Vazirlar Mahkamasining ayrim qarorlariga o‘zgartirishlar va qo‘shimchalar kiritish to‘g‘risidagi qaror qabul qilindi.

Hukumatning “O‘zbekiston Respublikasi Maktabgacha ta’lim vazirligi to‘g‘risidagi nizomni hamda Maktabgacha ta’lim muassasalari rahbar va mutaxassislarini qayta tayyorlash va ularning malakasini oshirish instituti ustavini tasdiqlash haqida”gi qarorining 9-bandi quyidagi tahrirda bayon etildi:

Vazirlik tizimiga quyidagilar kiradi:

•    Vazirlikning markaziy apparati;
•    hududiy bo‘linmalar;
•    Maktabgacha ta’lim tashkilotlari direktor va mutaxassislarini qayta tayyorlash va ularning malakasini oshirish instituti;
•    “Ilk Qadam” jurnali tahririyati;
•    davlat maktabgacha ta’lim tashkilotlari;
•    Axborot va pedagogika texnologiyalari innovatsion markazi;
•    Maktabgacha ta’limni rivojlantirish jamg‘armasi;
•    Ixtisoslashtirilgan loyiha-izlanish instituti;
•    Infratuzilmani rivojlantirish bo‘yicha injiniring kompaniyasi;
•    Maktabgacha ta’lim vazirligining pedagogika kollejlari.

2018 yil 30 iyulda VMQ bilan tasdiqlangan Oilaviy nodavlat maktabgacha ta’lim muassasalari hamda oilaviy nodavlat maktabgacha ta’lim muassasalari faoliyati bo‘yicha ruxsatnoma berish tartibi to‘g‘risidagi nizomlarga o‘zgartirishlar kiritildi.

25 nafargacha bolani (amaldagi variantda –12 nafargacha bolani) tarbiyalashni nazarda tutuvchi oilaviy nodavlat maktabgacha ta’lim muassasalarini moddiy-texnik va metodik jihatdan ta’minlash shaklidagi davlat-xususiy sheriklik loyihasi xususiy sherikning tashabbusi bilan, tanlov o‘tkazilmay va taqdim etilgan hujjatlarni o‘rganish asosida ular bilan to‘g‘ridan-to‘g‘ri muzokaralar o‘tkazish orqali amalga oshiriladi.

DXSH to‘g‘risidagi shartnomani tuzish mexanizmlari, xususan, ariza taqdim etish, hujjatlarni ko‘rib chiqish bosqichlari va boshqalar batafsil bayon etildi.

Amaldagi normativ-huquqiy hujjatlarga boshqa o‘zgartirishlar va qo‘shimchalar ham kiritildi, shuningdek o‘z kuchini yo‘qotgan hujjatlar ro‘yxati tasdiqlandi.

Sunnatilla Abdullayev
Maqolaga baho bering
Baholaganlar: 99
Reyting: 3
t
×