Maxsus unvonda xizmat o‘tash muddatlariga o‘zgartirishlar kiritildi

O‘zbekistonda maxsus unvonda xizmat o‘tash muddatlariga o‘zgartirishlar kiritildi. Bu haqda kecha, 21 avgust kuni 296-sonli Prezident qarori qabul qilindi. 

Qarorga ko‘ra,  Ichki ishlar organlarida xizmatni o‘tash tartibi to‘g‘risidagi nizomga o‘zgartirish kiritilib, maxsus unvonda xizmat o‘tash muddatlarining ayrimlari quyidagicha belgilanadi:

• “katta leytenant” – 3 yil;
• “kapitan” – 4 yil;
• “mayor” – 5 yil;
• “podpolkovnik” – 6 yil”.

Shuningdek, Davlat bojxona xizmati organlarida xizmatni o‘tash to‘g‘risidagi nizomga o‘zgartirish kiritilib, maxsus unvonda xizmat o‘tash muddatlarining ayrimlari quyidagicha belgilanadi:

• “bojxona xizmati katta leytenanti” – 3 yil;
• “bojxona xizmati kapitani” – 4 yil;
• “bojxona xizmati mayori” – 5 yil;
• “bojxona xizmati podpolkovnigi” – 6 yil”.

Bundan tashqari, Fuqarolarning harbiy xizmatni o‘tash tartibi to‘g‘risidagi nizomga kiritilgan o‘zgartirishga ko‘ra, harbiy xizmatchilar uchun harbiy unvonlardagi xizmat muddatlarining ayrimlari quyidagicha belgilanadi:

• “katta leytenant” harbiy unvonida – 3 yil;
• “kapitan” harbiy unvonida – 4 yil;
• “mayor” harbiy unvonida – 5 yil;
• “podpolkovnik” harbiy unvonida – 6 yil”.

Shu bilan birga, Milliy gvardiya xodimlarining xizmatni o‘tash tartibi to‘g‘risidagi nizomga o‘zgartirish kiritilib, maxsus unvonda xizmat o‘tash muddatlarining ayrimlari quyidagicha belgilanadi:

• “katta leytenant” – 3 yil;
• “kapitan” – 4 yil;
• “mayor” – 5 yil;
• “podpolkovnik” – 6 yil”.