Махсус унвонда хизмат ўташ муддатларига ўзгартиришлар киритилди

Ўзбекистонда махсус унвонда хизмат ўташ муддатларига ўзгартиришлар киритилди. Бу ҳақда кеча, 21 август куни 296-сонли Президент қарори қабул қилинди. 

Қарорга кўра,  Ички ишлар органларида хизматни ўташ тартиби тўғрисидаги низомга ўзгартириш киритилиб, махсус унвонда хизмат ўташ муддатларининг айримлари қуйидагича белгиланади:

• “катта лейтенант” – 3 йил;
• “капитан” – 4 йил;
• “майор” – 5 йил;
• “подполковник” – 6 йил”.

Шунингдек, Давлат божхона хизмати органларида хизматни ўташ тўғрисидаги низомга ўзгартириш киритилиб, махсус унвонда хизмат ўташ муддатларининг айримлари қуйидагича белгиланади:

• “божхона хизмати катта лейтенанти” – 3 йил;
• “божхона хизмати капитани” – 4 йил;
• “божхона хизмати майори” – 5 йил;
• “божхона хизмати подполковниги” – 6 йил”.

Бундан ташқари, Фуқароларнинг ҳарбий хизматни ўташ тартиби тўғрисидаги низомга киритилган ўзгартиришга кўра, ҳарбий хизматчилар учун ҳарбий унвонлардаги хизмат муддатларининг айримлари қуйидагича белгиланади:

• “катта лейтенант” ҳарбий унвонида – 3 йил;
• “капитан” ҳарбий унвонида – 4 йил;
• “майор” ҳарбий унвонида – 5 йил;
• “подполковник” ҳарбий унвонида – 6 йил”.

Шу билан бирга, Миллий гвардия ходимларининг хизматни ўташ тартиби тўғрисидаги низомга ўзгартириш киритилиб, махсус унвонда хизмат ўташ муддатларининг айримлари қуйидагича белгиланади:

• “катта лейтенант” – 3 йил;
• “капитан” – 4 йил;
• “майор” – 5 йил;
• “подполковник” – 6 йил”.