Lukashenko Belarus Rossiyaning Ukrainaga bosqinida qatnashayotganini tan oldi

Belarus fuqarosi Aleksandr Lukashenko Belarus Rossiya Federatsiyasining Ukrainadagi “maxsus harbiy operatsiya”sida ishtirok etayotganini, biroq o‘z harbiylarini yubormayotganini, maqsad Belarusga zarba berishning oldini olish ekanini aytdi. 

“Ukrainadagi “maxsus harbiy operatsiya”dagi ishtirokimizga kelsak, biz u yerda qatnashyapmiz. Biz buni yashirmaymiz. Lekin biz hech kimni o‘ldirmaymiz. Harbiylarimizni hech qayerga jo‘natmaymiz. Biz o‘z majburiyatlarimizni buzmaymiz", deydi u bugun, 4 oktyabr kuni o‘tkazilgan harbiy xavfsizlik masalalari bo‘yicha yig‘ilishda. 

Uning so‘zlariga ko‘ra, Belarusning vazifasi birinchi navbatda ushbu mojaroning Belarus hududiga tarqalishining oldini olishdir.  

"Ikkinchidan, Polsha, Litva va Latviya tomonidan maxsus harbiy operatsiya niqobi ostida Belorusga zarba berishning oldini olish. Yuqorida aytganimdek, Belarus hududidan hech kim ruslarga orqa tomondan o‘q otmaydi. Bu bizning ishtirokimiz", deydi u. 

Lukashenko Ukraina Minskning harbiy harakatlarga kirishishi mumkinligidan xavotirda, shu bois 15 minggacha harbiy xizmatchilar guruhini Belarus chegarasiga to‘plagan. U yerdagi nazorat-o‘tkazish punktlari va o‘q otish pozitsiyalarini muhandislik jihozlari bilan ta’minlamoqda va yo‘l to‘siqlari o‘rnatgan.

"[Ukraina] bir so‘z bilan aytganda, nafaqat o‘zini o‘rab oldi, balki devor qurdi. U doimiy ravishda hududimiz, qo‘shinlarimiz, ob’ektlarimizni optik, radioelektron, radiotexnik razvedka qiladi. Ko‘pincha o‘z uchuvchisiz samolyotlari bilan davlat chegara chizig‘ini buzadi. Shu bilan birga, ular “Oh, Belarus urushga nega kirmayapti, chegarada doimiy provokatsiyalar bo‘lib turadi”, deb tashvish va xavotirda”, deydi Prezident.