Kurash bo‘yicha “Barkamol avlod” turniri final bosqichi yakunlandi
Sport
−
22 dekabr 2021 2705
Kecha, 21 dekabr kuni kurash bo‘yicha 2021 yilgi “Barkamol avlod” turnirining respublika bosqichi yakunlandi. Buxoro shahri mezbonligida o‘tgan musobaqa 15 ta vazn toifasida tashkil etildi.
O‘g‘il bolalar: 55 kg, 60 kg, 66 kg, 73 kg, 81 kg, 90 kg, 100 kg va +100 kg vazn toifalarida bellashgan bo‘lsa, qizlar: 44 kg, 48 kg, 52 kg, 57 kg, 63 kg, 70 kg, +70 kgda gilamga chiqishdi.
Murosasiz va qizg‘in kechgan baxslar yakuniga ko‘ra, umumjamoa hisobida Buxoro viloyati jamoasi faxrli 1-o‘rinni qo‘lga kiritdi. Shoxsupaning ikkinchi pog‘onasini samarqandlik kurashchilar zabt etgan bo‘lsa, 3-o‘rin Xorazm viloyati kurashchilariga nasib etdi.
Ma’lumot uchun, 3 kun davom etgan kurash musobaqalarida Qoraqalpog‘iston, viloyatlar va Toshkent shahridan tashrif buyurgan 230 ga yaqin kurashchilar g‘oliblik uchun kurash olib borishdi.
Live
Barchasi
