Kubarsi YeCHL pley-off bosqichida antirekord o‘rnatdi
Sport
−
06 mart 2025 3149 1 daqiqa
“Barselona” Chempionlar ligasi 1/8 finalining birinchi o‘yinida “Benfika” bilan mehmonda o‘ynadi va 1:0 hisobda g‘alaba qozondi.
Uchrashuvning 22-daqiqasida hakam Feliks Svayer 18 yoshli himoyachi Pau Kubarsini maydondan chetlatdi, u 21 daqiqada “Barselona” darvozasi tomon birga-bir vaziyatga qochib ketayotgan Evangelos Pavlidisni chalib yiqitdi.
Kubarsi 18 yoshu 42 kunligida turnirning pley-off bosqichida qizil kartochka oldi va bu borada tarixdagi eng yosh futbolchiga aylandi.
Musobaqa antirekordi esa “Anderlext” a’zosi Selestin Babayaroga tegishli bo‘lib, u 1994 yilda 16 yoshu 86 kunligida qizil kartochka olgan.
Ma’lumot uchun, “Barselona” va “Benfika” jamoalari o‘rtasidagi YeCHL 1/8 final javob bahsi 12 martga o‘tar kechasi Montjuikdagi “Olimpiya” stadionida o‘tkaziladi.
Live
Barchasi
