Nazarboyevda koronavirus qanday o‘tayotgani oshkor qilindi
Olam
−
20 iyun 2020
16385Ma’lumki, joriy yilning 18 iyun kuni Qozog‘istonning Birinchi Prezidenti – Elboshi Nursulton Nazarboyevda koronavirus infeksiyasi aniqlangandi.
Bugun, 20 iyun kuni ma’lum bo‘lishicha, Nazarboyev o‘zini yaxshi his qilyapti. Elboshining Matbuot kotibi Nazarboyevda kasallik alomatlarsiz o‘tayotganini bildirdi.
“Harorat barqaror, koronavirus infeksiyasiga xos alomatlar kuzatilmadi. Qozog‘istonning Birinchi Prezidenti shifokorlarning nazoratida. Ularning aytishicha, havotirga o‘rin yo‘q”, dedi Nazarboyevning vakili.
Eslatib o‘tamiz, Nursulton Nazarboyev kasalligiga qaramay masofadan ishlashda davom etyapti. U o‘zi ishtirok etishi kerak bo‘lgan tadbirlarda videokonferensaloqa shaklida qatnashadi.