Kongo BRICS’ga qo‘shilmoqchi

Kongo Respublikasi BRICS tarkibiga qo‘shilish va bu boradagi aloqalarni rivojlantirishga qiziqmoqda. Bu haqda Kongo rahbari Deni Sassu-Ngesso RIA Novosti’ga bergan intervyusida aytib o‘tdi.

“Shunday maqsadimiz bor. BRICS’ga allaqachon qator davlatlar qo‘shildi. Shaxsan o‘zim BRICS+ formati haqida ham eshitdim. Agar shunday imkon bo‘lsa, Kongo bunga doimo xayrixoh bo‘ladi”, deydi Prezident Sassu-Ngesso intervyuda.

Kongo Prezidenti 25 iyun kuni rasmiy tashrif bilan Rossiyaga kelgandi. Sassu-Ngesso Rossiya bilan aloqalarni yangi bosqichga olib chiqish niyati borligini ham ma’lum qildi. Rossiya Prezidenti Vladimir Putin Deni Sassu-Ngessoni “Shon-sharaf” ordeni bilan taqdirladi. 

Rossiya Prezidenti yordamchisi Yuriy Ushakov hozirgacha BRICS’ga a’zo bo‘lish uchun 30 dan ortiq arizalar kelib tushganini ma’lum qildi. U yaqinda Tailand va Malayziya ham o‘z arizalarini yuborganini qayd etib o‘tdi.

Eslatib o‘tamiz, avvalroq BRICS tarkibiga Turkiya ham qo‘shilmoqchi ekani xabar qilingandi.

Mavluda Satiyeva