XJS orderidan qo‘rqmayman – Ben-Gvir

Isroilning o‘ta o‘ngchi Milliy xavfsizlik vaziri Itamar Ben-Gvir Xalqaro jinoiy sud (XJC) tomonidan hibsga olinishi mumkinligidan qo‘rqmasligini aytdi. Bu haqda u bugun, 28 may kuni X ijtimoiy tarmog‘idagi sahifasida yozib qoldirdi.

“Mening Gaaga prokuroriga aniq xabarim bor: hech qanday hibsga olish haqidagi order meni Isroil xalqi va ularning yerlariga xizmat qilishimga xalaqit bermaydi”, deb yozdi vazir.

O‘tmishda 50 dan ortiq marta nafrat uyg‘otganlikda ayblangan va bir paytlar “irqchilik”da ayblangan Ben-Gvirning aytishicha, Gaagadagi prokuror uni qo‘rqitmaydi.

“Men o‘z xalqimni himoya qilish uchun qo‘limdan kelgan barcha ishni qilaman – hatto buning uchun hibsga olish uchun order chiqarilgan bo‘lsa ham. Agar Gaaga menga qarshi bo‘lsa, men to‘g‘ri yo‘ldaman”, dedi u.

Ben-Gvirning izohlari “The Wall Street Journal”ning XJS prokurori Karim Xon Ben-Gvir va Moliya vaziri Betsalel Smotrichni bosib olingan G‘arbiy Sohilda yahudiylarni joylashtirish siyosati tufayli hibsga olish uchun order berishni ko‘rib chiqqani haqidagi xabaridan so‘ng paydo bo‘ldi. Nashr suddagi manbalarga tayanib, Karim Xon 16 may kuni BMT Ichki audit xizmati tomonidan boshlangan jinsiy zo‘ravonlik ayblovlari bo‘yicha tergov olib borilishi munosabati bilan lavozimidan chetlatilishidan oldin ham ehtimoliy orderlarga tayyorgarlik ko‘rilganini qayd etgan. Xon o‘ziga qo‘yilgan ayblovlarni rad etadi.

XJS tomonidan 2024 yilning 21 noyabrida Isroil Bosh vaziri Binyamin Netanyaxu va sobiq mudofaa vaziri Yoav Galantni G‘azoda urush jinoyatlari va insoniyatga qarshi jinoyatlar sodir etganlikda ayblab, hibsga olish uchun order berilganidagi. Xabar qilinishicha, sud Ben-Gvir va Smotrichning noqonuniy aholi punktlarini qonuniylashtirish bo‘yicha harakatlarini ehtimoliy harbiy jinoyatlar sifatida ko‘rib chiqmoqda. 

Har ikki vazir bir necha bor Isroil aholi punktlarini kengaytirish va G‘arbiy Sohildagi yangi joylarni qonuniylashtirishga chaqirgan. Masalan, Smotrich 2024 yil mart oyida 13 ta noqonuniy aholi punktlarini tan olishni ta’minladi. Ben-Gvir esa politsiya himoyasi ostidagi Al-Aqso masjidida muntazam ravishda reydlar o‘tkazadi.

Falastin manbalariga ko‘ra, 2024 yil oxirigacha G‘arbiy Sohilda 180 ta rasmiy aholi punkti va 256 ta noqonuniy postda 770 mingga yaqin isroillik ko‘chmanchi bo‘ladi, ulardan 138 tasi qishloq xo‘jaligi maqsadlarida foydalaniladi. Birlashgan Millatlar Tashkiloti Isroilning bosib olingan Falastin hududlarida aholi punktlarini qurish faoliyatini xalqaro huquqning buzilishi deb hisoblaydi va bu harakatlarni zudlik bilan to‘xtatishga chaqiradi, chunki ular “ikki davlat” tamoyilini amalga oshirish imkoniyatiga tahdid soladi.

Yuqorida qayd etilganidek, 2024 yil 21 noyabrda XJS Netanyaxu va Isroilning sobiq mudofaa vaziri Yoav Galantni Isroil harbiylarining G‘azo sektoridagi harakatlari uchun hibsga olishga order berdi. Bungacha, ya’ni 2023 yil mart oyida XJS Rossiya Prezidenti Vladimir Putin va Rossiyadagi Bolalar ombudsmani Mariya Lvova-Belovani hibsga olishga order bergan. Shunga qaramasdan, Rim statutni ratifikatsiya qilgan Mongoliya Putinni, Vengriya esa Netanyaxuni o‘z yerlarida iliq kutib oldi va XJSning ularni hibsga olish bo‘yicha orderini bajarmadi.