ХЖС ордеридан қўрқмайман – Бен-Гвир

Исроилнинг ўта ўнгчи Миллий хавфсизлик вазири Итамар Бен-Гвир Халқаро жиноий суд (ХЖC) томонидан ҳибсга олиниши мумкинлигидан қўрқмаслигини айтди. Бу ҳақда у бугун, 28 май куни Х ижтимоий тармоғидаги саҳифасида ёзиб қолдирди.

“Менинг Гаага прокурорига аниқ хабарим бор: ҳеч қандай ҳибсга олиш ҳақидаги ордер мени Исроил халқи ва уларнинг ерларига хизмат қилишимга халақит бермайди”, деб ёзди вазир.

Ўтмишда 50 дан ортиқ марта нафрат уйғотганликда айбланган ва бир пайтлар “ирқчилик”да айбланган Бен-Гвирнинг айтишича, Гаагадаги прокурор уни қўрқитмайди.

“Мен ўз халқимни ҳимоя қилиш учун қўлимдан келган барча ишни қиламан – ҳатто бунинг учун ҳибсга олиш учун ордер чиқарилган бўлса ҳам. Агар Гаага менга қарши бўлса, мен тўғри йўлдаман”, деди у.

Бен-Гвирнинг изоҳлари “The Wall Street Journal”нинг ХЖС прокурори Карим Хон Бен-Гвир ва Молия вазири Бецалель Смотрични босиб олинган Ғарбий Соҳилда яҳудийларни жойлаштириш сиёсати туфайли ҳибсга олиш учун ордер беришни кўриб чиққани ҳақидаги хабаридан сўнг пайдо бўлди. Нашр суддаги манбаларга таяниб, Карим Хон 16 май куни БМТ Ички аудит хизмати томонидан бошланган жинсий зўравонлик айбловлари бўйича тергов олиб борилиши муносабати билан лавозимидан четлатилишидан олдин ҳам эҳтимолий ордерларга тайёргарлик кўрилганини қайд этган. Хон ўзига қўйилган айбловларни рад этади.

ХЖС томонидан 2024 йилнинг 21 ноябрида Исроил Бош вазири Биньямин Нетаньяху ва собиқ мудофаа вазири Йоав Галантни Ғазода уруш жиноятлари ва инсониятга қарши жиноятлар содир этганликда айблаб, ҳибсга олиш учун ордер берилганидаги. Хабар қилинишича, суд Бен-Гвир ва Смотричнинг ноқонуний аҳоли пунктларини қонунийлаштириш бўйича ҳаракатларини эҳтимолий ҳарбий жиноятлар сифатида кўриб чиқмоқда. 

Ҳар икки вазир бир неча бор Исроил аҳоли пунктларини кенгайтириш ва Ғарбий Соҳилдаги янги жойларни қонунийлаштиришга чақирган. Масалан, Смотрич 2024 йил март ойида 13 та ноқонуний аҳоли пунктларини тан олишни таъминлади. Бен-Гвир эса полиция ҳимояси остидаги Ал-Ақсо масжидида мунтазам равишда рейдлар ўтказади.

Фаластин манбаларига кўра, 2024 йил охиригача Ғарбий Соҳилда 180 та расмий аҳоли пункти ва 256 та ноқонуний постда 770 мингга яқин исроиллик кўчманчи бўлади, улардан 138 таси қишлоқ хўжалиги мақсадларида фойдаланилади. Бирлашган Миллатлар Ташкилоти Исроилнинг босиб олинган Фаластин ҳудудларида аҳоли пунктларини қуриш фаолиятини халқаро ҳуқуқнинг бузилиши деб ҳисоблайди ва бу ҳаракатларни зудлик билан тўхтатишга чақиради, чунки улар “икки давлат” тамойилини амалга ошириш имкониятига таҳдид солади.

Юқорида қайд этилганидек, 2024 йил 21 ноябрда ХЖС Нетаньяху ва Исроилнинг собиқ мудофаа вазири Йоав Галантни Исроил ҳарбийларининг Ғазо секторидаги ҳаракатлари учун ҳибсга олишга ордер берди. Бунгача, яъни 2023 йил март ойида ХЖС Россия Президенти Владимир Путин ва Россиядаги Болалар омбудсмани Мария Львова-Беловани ҳибсга олишга ордер берган. Шунга қарамасдан, Рим статутни ратификация қилган Монголия Путинни, Венгрия эса Нетаняхуни ўз ерларида илиқ кутиб олди ва ХЖСнинг уларни ҳибсга олиш бўйича ордерини бажармади.