Xitoy AQSHning yangi ma’muriyatidan nima kutmoqda?

Xitoy Vashingtonning yangi ma’muriyatidan Pekin bilan munosabatlarni o‘zaro hurmat asosida qurishda davom etishini kutmoqda. Bu haqda Xitoy tashqi ishlar vazirining o‘rinbosari Le Yuychen ma’lum qildi.

"Qo‘shma Shtatlar Xitoy bilan bir xil yo‘nalishda ishlaydi, deb umid qilamiz. AQSHning yangi ma’muriyati o‘zaro hurmat va o‘zaro manfaatli hamkorlikka asoslangan holda mojarolarsiz, qarama-qarshiliklarsiz munosabatlarni o‘rnatish uchun Xitoy bilan bir xil yo‘nalishda ishlaydi. Ikkala tomon ham hamkorlikka e’tibor qaratishlari muhim masaladir”, dedi u.

Unga ko‘ra, Xitoy va Qo‘shma Shtatlarda "hamkorlik uchun ham maydon mavjud" va "kelishmovchiliklarni hal qilish zarur". 

"Xitoy-AQSH munosabatlariga kelsak, Xitoyning pozitsiyasi izchil va aniq. Xitoy va AQSH o‘rtasida bir-biridan farq bor, ammo bizda ko‘plab umumiy manfaatlar va hamkorlik uchun keng imkoniyatlar mavjud. Xitoy-Amerika munosabatlarining sog‘lom rivojlanishini ta’minlash va qo‘llab-quvvatlash ham XXR, ham AQSH manfaatlariga javob beradi. Butun dunyo ham bunga umid qilmoqda", dedi XXR tashqi ishlar vazirining o‘rinbosari.