Xerson Rossiyaning bir bo‘lagi bo‘lib qoladi – Kreml

Rossiya qo‘shinlari Dneprning chap qirg‘og‘iga ketganidan so‘ng, Xerson viloyati Rossiya Federatsiyasining bir qismi bo‘lib qoladi, chunki uning maqomi qonun bilan belgilangan. Bu haqda jurnalistlarga Rossiya Prezidenti matbuot kotibi Dmitriy Peskov ma’lum qildi. 

“Xerson viloyati Rossiya Federatsiyasining sub’ektidir, bu mavzu qonun bilan mustahkamlangan va belgilangan. Hech qanday o‘zgarish yo‘q va bo‘lishi ham mumkin emas”, deydi u. 

Shu bilan birga, Kreml vakili rus qo‘shinlarining Dneprning chap qirg‘og‘iga ko‘chirilishi manyovriga izoh berishdan bosh tortdi. Unga ko‘ra, bu masala bo‘yicha tushuntirish berish faqat Mudofaa vazirligi vakillariga berilgan. 

Eslatib o‘tamiz, 9 noyab  kuni Rossiya Mudofaa vaziri Sergey Shoygu “maxsus harbiy operatsiya” qo‘mondoni, armiya generali Sergey Surovikinning hisobotidan so‘ng Dneprning o‘ng qirg‘og‘idan qo‘shinlarni chap qirg‘oqdagi mudofaa pozitsiyalariga olib chiqishni buyurgan edi. Bu buyruq bizning qo‘shinlarimiz Xersonni tark etganini anglatadi. 

EADaily xabar berishicha, 11 noyabr kuni ertalab soat 5 da Dnepr daryosining chap qirg‘og‘iga qo‘shinlarni qayta joylashtirish yakunlandi. Mudofaa vazirligi xabariga ko‘ra, o‘ng qirg‘oqda birorta ham harbiy texnika va qurol-yarog‘ qolmagan. Rossiyaning barcha harbiy xizmatchilari daryoni kesib o‘tdi.