Xanchjou-2022. O‘zbekistonlik dzyudochi qiz navbatdagi medalni qo‘lga kiritdi (video)
Sport
−
25 Sentabr 2023 2791
Xanchjouda bo‘lib o‘tayotgan Osiyo o‘yinlarining dzyudo bahslarida O‘zbekiston delegatsiyasi hisobiga yana bir medal yozildi. Bu haqda musobaqani bevosita yoritib borayotgan QALAMPIR.UZ jurnalisti Shaxzod Shukurov xabar berdi.
Unga ko‘ra, -70 kg vazn toifasida kurash olib borgan dzyudo bo‘yicha O‘zbekiston terma jamoasi vakili Gulnoza Matniyozova Xitoy Taypeyi vakili Yu Jung Liaoga qarshi kechgan bahsda 10:0 hisobida g‘alabaga erishdi. Bu orqali Matniyozova ikkinchi bor Osiyo o‘yinlarining bronza medaliga sazovor bo‘ldi.
Ma’lumot uchun, xorazmlik dzyudochi – Gulnoza Matniyozova Rio-2016 va Tokio-2020 Olimpiya o‘yinlari ishtirokchisi hisoblanadi. U Gran-Pri seriyasida ikki bor turnirlar g‘olibi hamda Toshkentda bo‘lib o‘tgan Katta Dubulg‘a sovrindori bo‘lgan.
Eslatib o‘tamiz, avvalroq -73 kg vazn toifasining chempionlik bahsida tatamiga chiqqan Murodjon Yo‘ldoshev yaponiyalik Soichi Xashimotoni mag‘lubiyatga uchratib, Xanchjou-2022 oltin medaliga ega chiqqan edi.
Live
Barchasi
