Diyora Keldiyorova Zagreb Gran-prisida bronza medalini oldi

Keça, 13 noyabr kuni dzyudo böyiça Özbekiston terma jamoasi a’zosi, Parij-2024 Olimpiadasi çempioni Diyora Keldiyorova Xorvatiyaning Zagreb şahrida bölib ötayotgan Gran-pri turnirida tatamiga çiqdi. Bahslar yakunida Diyora Keldiyorova öz vazn toifasida bronza medalga sazovor böldi.

-52 kg vazn toifasida iştirok etgan Diyora Keldiyorova musobaqada yarim finalga qadar muvaffaqiyatli iştirok etdi. Biroq final yöllanmasi uçun keçgan bellaşuvda vengriyalik Roza Dertyaşga imkoniyatni boy berdi.

Keldiyorova uçinçi örin uçun bahsda Fransiya vakilasi Blandin Ponni ippon bahosi bilan mağlubiyatga uçratib, musobaqaning bronza medaliga ega çiqdi.

Şuningdek, Diyora Keldiyorovadan taşqari Azizbek Ortiqov, Arslonbek Tojiyev, Murodjon Yöldoşev va Davlat Bobonov ham iştirok etmoqda.

Eslatib ötamiz, avvalroq Diyora Keldiyorova Abu-Dabida taşkil etilgan “Katta dubulğa” turnirining ikkinçi davrasida isroillik Gefen Primoga imkoniyatni boy bergandi.