Xalqaro olimpiadalar g‘oliblari va ularning o‘qituvchilari pul mukofotlari bilan taqdirlanadi

O‘zbekiston Respublikasi Prezidenti Shavkat Mirziyoyevning “Iqtidorli yoshlarni aniqlash va yuqori malakali kadrlar tayyorlashning uzluksiz tizimini tashkil etish chora-tadbirlari to‘g‘risida”gi qaroriga muvofiq, xalqaro olimpiadalar g‘oliblari va ularning o‘qituvchilari eng kam oylik ish haqining quyidagi miqdorlarida bir martalik pul mukofotlari bilan taqdirlanadi:

•    1-o‘rin (oltin medal) uchun – 500, o‘qituvchisiga –450 baravari;
•    2-o‘rin (kumush medal) uchun – 300, o‘qituvchisiga –250 baravari;
•    3-o‘rin (bronza medal) uchun – 200, o‘qituvchisiga –150 baravari;

Asosiy olimpiadalar respublika bosqichi g‘oliblarining o‘qituvchilari EKIHning quyidagi miqdorlarida bir martalik pul mukofotlari bilan taqdirlanadi:

•    1-o‘rin uchun – 50 baravari;
•    2-o‘rin uchun – 35 baravari;
•    3-o‘rin uchun – 30 baravari;

Xalqaro olimpiadalar g‘oliblarini tayyorlagan o‘qituvchilar va ta’lim muassasasi direktorlariga navbatdagi o‘quv yili uchun direktor jamg‘armasidan oltin, kumush va bronza medallari bo‘yicha tegishincha qo‘shimcha 200, 175 va 150 foizlik ustama to‘lanadi.