Karantinga yopilgan “O‘rikzor” bozori yana ochildi
Jamiyat
−
04 iyun 2020 7964
Bugun, 4 iyun kuni “O‘rikzor” savdo majmuasi 14 kunlik karantindan so‘ng o‘z faoliyatini qayta boshladi.
Uchtepa tumani hokimligi matbuot xizmati xabariga ko‘ra, so‘nggi bir necha kun ichida tuman sektori rahbarlari “O‘rikzor” savdo majmuasi hududida xavfsizlik choralari olib borilishini nazorat qilishgan.
Hududda 3 ta dezinfeksiya tunnellari, ijtimoiy masofa belgilari, teplovizorlar, yuk avtomashinalari uchun maxsus to‘siq, sotuvchi va xaridor o‘rtasida maxsus ajratgichlar o‘rnatilgan.
Eslatib o‘tamiz, “O‘rikzor”da sotuvchidan koronavirus aniqlangani sabab bozor yopilgan edi. Keyinroq koronavirusga chalingan sotuvning farzandlarida ham virus aniqlandi.
