“Qo‘yliq” bozori ro‘parasidagi ayrim yo‘llarda harakat vaqtincha cheklanadi
Jamiyat
−
16 aprel 2022 4595
Yangi ko‘prik qurilishi ishlari olib borilayotganligi sababli bugun, 16 apreldan TXAYning “Qo‘yliq” dehqon bozori ro‘parasidan o‘tgan qismidagi yo‘l avtomobillar harakati uchun qisqaradi. Bu haqda Toshkent shahar hokimligi Matbuot xizmati xabar berdi.
Harakat cheklanadigan hududlar:
- TXAYning “Qumariq-Rohat” yo‘nalishida “Qo‘yliq” bozorining kirish joyi qarshisidan 200 metr uzunlikda to‘rt yo‘nalishidan ikkitasi vaqtincha yopiladi;
- TXAYning “Rohat-Qumariq” yo‘nalishida “Kompas” savdo majmuasi qarshisidagi bitta yo‘nalishi 50 metr uzunlikda vaqtincha yopiladi.
Eslatib o‘tamiz, shahar hokimi Jahongir Ortiqxo‘jayev poytaxt yo‘llaridagi chuquqrlarni 10 kun ichida to‘liq bartaraf etishga ko‘rsatma bergandi.
