Quyosh qachon insoniyatga xavf sola boshlashi aytildi

north_east

Yerda yashovchilarni dekabr oyida to‘rtta astronomik hodisa kutmoqda

Quyosh o‘z umrining yarmini yashab bo‘ldi va bir necha yuz million yildan so‘ng haddan tashqari issiqlik bilan Yerga xavf solishni boshlaydi. Bu haqda Rossiya Fanlar akademiyasining kosmik tadqiqotlar instituti direktori Anatoliy Petrukovich ma’lum qildi.

“Bizning yulduz paydo bo‘lganda, hozirgiga qaraganda sovuqroq bo‘lgan. Vaqt o‘tishi bilan u asta-sekin qizimoqda va undan chiqayotgan nurlanish oqimi o‘smoqda. Zamonaviy tushunchalarga ko‘ra, Quyosh bir necha yuz million yildan so‘ng, Yerga tahdid sola boshlaydi, chunki undan keladigan issiqlik oqimi, Yerning zamonaviy iqlimi uchun ortiq darajada ko‘p bo‘ladi”, degan olim.

Biroq,mutaxassisning ta’kidlashicha, insoniyat bu muammoni qandaydir tarzda hal qilish uchun, masalan, atmosferani tartibga solish yoki Yerdan uchib ketish uchun juda ko‘p vaqtga ega.

“Petrukovich ta’kidlashicha, Quyosh taxminan 4,5 milliard yil yashadi va hozirgi holatida yana shuncha miqdorda vaqt bo‘ladi. “Bu shunday yulduz uchun odatiy hayot sikli. So‘nggi bosqichga kelganda, u qizil gigantga aylana boshlaydi, kengayadi va hatto Yerni yutib yuborishi mumkin”, deb qo‘shimcha qildi ekspert.