Qo‘shfamiliyali fuqarolarning farzandiga familiya qay tartibda beriladi?
Jamiyat
−
05 Sentyabr 2020 12342 1 daqiqa
Avvalroq, Vazirlar Mahkamasining FHDYOlar faoliyatiga doir qarori bilan nikohlanuvchilarga qo‘shfamiliyalikka ruxsat etilishi haqida xabar bergan edik.
Bu yangilik odamlarda tabiiy bir savolni yuzaga keltirdi: Qo‘shfamiliyaga ega bo‘lganlar farzandli bo‘lgandan keyin farzandiga familiya berish tartibi qanday bo‘ladi?
Davlat xizmatlari agentligi bu savolga javob berdi. Unga ko‘ra, Oila kodeksining 69-moddasiga asosan bolaning familiyasi ota-onaning familiyasiga qarab belgilanadi. Ota-ona turli familiyalarda bo‘lganda ota-onaning kelishuviga binoan bolaga otasining yoki onasining familiyasi beriladi.
Shuningdek, ota-onaning xohishiga ko‘ra, bolaga ota yoki ona tomonidan milliy an’analarga ko‘ra boboning ismi bo‘yicha familiya berilishi mumkin.
Live
Barchasi
