Qozog‘iston harbiy byudjetini oshirdi

Qozog‘istonda joriy yilda harbiylar soni oshiriladi. Bu haqda Qozog‘iston Respublikasi Mudofaa vaziri o‘rinbosari Sulton Kamaletdinov ma’lum qildi. 

“Qurol va harbiy texnikani davlat xaridi bo‘yicha tegishli rejalarimiz bor. Mahalliy ishlab chiqaruvchilarga afzallik beriladi, albatta. Yangi turdagi qurollarni olish ishlari davom etmoqda. Biz faqat yil oxirida sotib oldik va yangi samolyotlar bilan ta’minlandik. Bundan tashqari, havo hujumiga qarshi mudofaa tizimlari va boshqa vositalar [xarid qilinadi]”, deydi Sulton Kamaletdinov Senat majlisida jurnalistlar savollariga javob berar ekan. 

Spikerning ta’kidlashicha, joriy yil uchun harbiy byudjet allaqachon oshirilgan, aniq o‘sish raqamlari keltirilmagan. 

“Mudofaa vazirligining harbiy byudjeti davlat rahbari tomonidan ko‘rib chiqildi va bu davlatimiz yalpi ichki mahsulotining bir foizini tashkil etadi”, deya tushuntirdi Sulton Kamaletdinov. 

Qayd etilishicha, Qozog‘iston 2022 yilda mudofaa byudjetiga 3,9 milliard dollar sarflagan.

Eslatib o‘tamiz, Qozog‘iston Mudofaa vazirligi Ukrainadagi qurolli mojaroning xususiyatlarini tahlil qilib, uchuvchisiz uchish apparatlari operatorlari va artilleriya bo‘linmalari harbiy xizmatchilarining malakasini oshirishni kuchaytirdi.

Qozog‘istonning mudofaa qudrati

Umumiy ko‘rinish: Harbiy xizmatga yaroqli aholi 6 634 229 nafarni tashkil etadi, har yilgi muddatli harbiy xizmatga chaqiriluvchilar soni 271 577 nafar. Mudofaaga ajratilgan mablag‘ $2 618 000 000 ni tashkil etadi. 

Harbiy xizmatchilar soni: Harbiy xodimlarning umumiy soni 77 000 nafar bo‘lib, shundan 45000 nafari faol xodimlar, 32 000 harbiylashtirilgan bo‘linmalar xodimlari, 12 000 nafari havo kuchlari tarkibidagi xodimlar hisoblanadi. Dengiz kuchlari esa 3000 askardan iborat. 

Quruqlikdagi kuchlar: Tanklar soni 300 ta, harbiy avtomobillarning umumiy soni 5 172 ta, o‘ziyurar artilleriya 246 ta, raketa artilleriyasi 407 tadan iborat.

Havo kuchlari: Jami samolyotlar soni 237 taga, qiruvchi samolyotlar soni 81 taga, hujumchi samolyotlar 39 taga, transport samolyotlari 17 taga teng. Vertolyotlarning umumiy soni 75 ta bo‘lib, shundan 25 tasi hujumchi vertolyot hisoblanadi.