Qoraqalpog‘istonda tuya botqoqqa botib qoldi
Jamiyat
−
18 iyul 7587 1 daqiqa
Kecha, 17 iyul kuni Qoraqalpog‘istonning Nukus shahrida tuya botqoqqa botib qoldi. Bu haqda Favqulodda vaziyatlar vazirligi xabar berdi.
Ma’lum qilinishicha, soat 17:40 da vazirlikning Qoraqalpog‘iston Respublikasi boshqarmasiga Nukus shahrining “Yangi zamon” MFY hududida joylashgan temiryo‘l yaqinida tuya botqoqlikka botib qolgani bo‘yicha xabar kelib tushgan.
Xabarga asosan, FVB qutqaruvchilari aytilgan manzilga yetib borgan hamda tuya botqoqlikdan olib chiqilgan.
Eslatib o‘tamiz, avvalroq “Qamchiq” dovonidagi yo‘lning xandaq qismiga Spark avtomobili ag‘darilib ketgani hamda u xodimlar tomonidan chiqarilgani haqida xabar berilgandi.
