Qishloq va mahalla sharoitini yaxshilashga 21 trln so‘m ajratiladi

Joriy yilda viloyat, tuman va shahar hokimlari “Obod qishloq” va “Obod mahalla” dasturlari doirasida, davlat byudjetidan berilgan mablag‘ yoniga kamida xuddi shuncha mablag‘ qo‘shib, loyihlarni amalga oshiradi. Bu haqda Prezident raisligidagi “Obod qishloq” va “Obod mahalla” dasturlarini joriy yilda amalga oshirish masalalarini muhokama qilishga bag‘ishlangan yig‘ilishda aytib o‘tildi.

“Bugungi yig‘ilishda har bir viloyat, tuman va shahar hokimi joriy yilgi “Obod qishloq” va “Obod mahalla” dasturlari doirasida, davlat byudjetidan berilgan mablag‘ yoniga kamida xuddi shuncha mablag‘ qo‘shib, loyihalar tannarxini arzonlashtirib, qanday ishlarni amalga oshirishi, ularning natijadorligi hamda qaytimi bo‘yicha hisobot beradi.

Joriy yilda qishloq va mahallalarda aholi sharoitini yaxshilashga, jami 21 trillion so‘m yo‘naltiramiz. Bunday mablag‘, shu kungacha biror marta berilmagan”, deya ta’kidladi Prezident.

Qayd etilishicha, 9 ta yo‘nalish bo‘yicha ajratilayotgan ushbu mablag‘lar har bir tuman va shahar hokimi bilan muhokama qilingan.