Qishki Paralimpiya o‘yinlarida 2 nafar o‘zbekistonlik sportchi qatnashadi

Sport

−

27 fevral visibility2763 timer1 daqiqa

O‘zbekiston delegatsiyasi Italiyaning Milan va Kortina-d’Ampetsso shaharlarida bo‘lib o‘tadigan XIV qishki Paralimpiya o‘yinlariga 2 ta yo‘llanmani qo‘lga kiritdi. Bu haqda Milliy Paralimpiya qo‘mitasi matbuot xizmati xabar berdi.

Ma’lum bo‘lishicha, para tog‘ chang‘isi bo‘yicha O‘zbekiston milliy terma jamoasi a’zolari – Yulduz Maxmudova hamda Firdavs Xudoyatov Paralimpiya o‘yinlari yo‘llanmasiga ega bo‘lgan.

Ushbu ikki nafar sportchi to‘rt yillikning eng muhim qishki Paralimpiya o‘yinlarida gigant-slalom dasturida O‘zbekiston sharafini himoya qiladi.

Ma’lumot uchun, XIV qishki Paralimpiya o‘yinlari joriy yilning 6–15 mart kunlari Italiyaning Milan va Kortina-d’Ampetsso shaharlarida bo‘lib o‘tadi.

Eslatib o‘tamiz, Milan va Kortina-d’Ampetssoda bo‘lib o‘tgan qishki Olimpiya o‘yinlarida Medet Nazarov va Daniil Yeybog O‘zbekiston nomidan musobaqalarda ishtirok etgan edi.

Maqola muallifi