Bugun O‘zbekiston qishki Paralimpiyadagi ishtirokini boshlaydi

Bugun, 12 mart kuni O‘zbekiston delegatsiyasi qishki Paralimpiya o‘yinlaridagi ishtirokini boshlaydi. Para tog‘ chang‘isi bo‘yicha O‘zbekiston milliy terma jamoasi a’zosi Yulduz Maxmudova Italiyaning Milan va Kortina-d’Ampetsso shaharlari mezbonligidagi qishki Paralimpiadada startga chiqadi. 

O‘zbekistonlik para tog‘ chang‘ichisi ishtirokidagi gigant-slalom dasturi Toshkent vaqti bilan 13:25 da start olishi belgilangan.

Paralimpiadada para tog‘ chang‘isi bo‘yicha O‘zbekiston milliy terma jamoasi a’zolari – Yulduz Maxmudova hamda Firdavs Xudoyatov O‘zbekiston sharafini himoya qilmoqda.

Har ikkala sportchi ham to‘rt yillikning eng muhim qishki Paralimpiya o‘yinlarida gigant-slalom dasturida ishtirok etadi.

Firdavs Xudoyatovning chiqishi ertaga, 13 mart kuni bo‘lib o‘tadi.

Ma’lumot uchun, joriy yilning 6 mart kuni rasman start olgan XIV qishki Paralimpiya o‘yinlari joriy yilning 15 mart kuniga qadar Italiyaning M va Kortina-d’Ampetsso shaharlarida bo‘lib o‘tadi.