Қишки Паралимпия ўйинларида 2 нафар ўзбекистонлик спортчи қатнашади

Спорт

−

27 Февраль visibility2923 timer1 дақиқа

Ўзбекистон делегацияси Италиянинг Милан ва Кортина-д’Ампеццо шаҳарларида бўлиб ўтадиган XIV қишки Паралимпия ўйинларига 2 та йўлланмани қўлга киритди. Бу ҳақда Миллий Паралимпия қўмитаси матбуот хизмати хабар берди.

Маълум бўлишича, пара тоғ чанғиси бўйича Ўзбекистон миллий терма жамоаси аъзолари – Юлдуз Махмудова ҳамда Фирдавс Худоятов Паралимпия ўйинлари йўлланмасига эга бўлган.

Ушбу икки нафар спортчи тўрт йилликнинг энг муҳим қишки Паралимпия ўйинларида гигант-слалом дастурида Ўзбекистон шарафини ҳимоя қилади.

Маълумот учун, XIV қишки Паралимпия ўйинлари жорий йилнинг 6–15 март кунлари Италиянинг Милан ва Кортина-д’Ампеццо шаҳарларида бўлиб ўтади.

Эслатиб ўтамиз, Милан ва Кортина-д’Ампеццода бўлиб ўтган қишки Олимпия ўйинларида Медет Назаров ва Даниил Ейбог Ўзбекистон номидан мусобақаларда иштирок этган эди.

Мақола муаллифи