Бугун Ўзбекистон қишки Паралимпиядаги иштирокини бошлайди

Бугун, 12 март куни Ўзбекистон делегацияси қишки Паралимпия ўйинларидаги иштирокини бошлайди. Пара тоғ чанғиси бўйича Ўзбекистон миллий терма жамоаси аъзоси Юлдуз Махмудова Италиянинг Милан ва Кортина-д’Ампеццо шаҳарлари мезбонлигидаги қишки Паралимпиадада стартга чиқади. 

Ўзбекистонлик пара тоғ чанғичиси иштирокидаги гигант-слалом дастури Тошкент вақти билан 13:25 да старт олиши белгиланган.

Паралимпиадада пара тоғ чанғиси бўйича Ўзбекистон миллий терма жамоаси аъзолари – Юлдуз Махмудова ҳамда Фирдавс Худоятов Ўзбекистон шарафини ҳимоя қилмоқда.

Ҳар иккала спортчи ҳам тўрт йилликнинг энг муҳим қишки Паралимпия ўйинларида гигант-слалом дастурида иштирок этади.

Фирдавс Худоятовнинг чиқиши эртага, 13 март куни бўлиб ўтади.

Маълумот учун, жорий йилнинг 6 март куни расман старт олган XIV қишки Паралимпия ўйинлари жорий йилнинг 15 март кунига қадар Италиянинг М ва Кортина-д’Ампеццо шаҳарларида бўлиб ўтади.