Ўзбекистон қишки Паралимпиада очилиш маросимида иштирок этди (видео)
Спорт
−
09:49 814 1 дақиқа
Кеча, 6 март куни Италиянинг Милан ва Кортина-д’Ампеццо шаҳарлари мезбонлик қилаётган XIV қишки Паралимпия ўйинларининг тантанали очилиш маросими бўлиб ўтди. Унда Ўзбекистон спорт делегацияси ҳам иштирок этди.
Маросимда пара тоғ чанғиси бўйича терма жамоа аъзолари Фирдавс Хидоятов ҳамда Юлдуз Маҳмудова чиқиш қилди. Ўзбекистон Миллий Паралимпия қўмитаси раиси Мухторхон Тошхўжаев ҳам тадбирда иштирок этиб, тантанали маросимни бевосита “Верона Арена” иншоотидан кузатиб борди.
Маълумот учун, кеча, 6 март куни расман старт олган XIV қишки Паралимпия ўйинлари жорий йилнинг 15 март кунига қадар Италиянинг Милан ва Кортина-д’Ампеццо шаҳарларида бўлиб ўтади.
Эслатиб ўтамиз, Милан ва Кортина-д’Ампеццода бўлиб ўтган қишки Олимпия ўйинларида Медет Назаров ва Даниил Ейбог Ўзбекистон номидан мусобақаларда иштирок этган эди.
Live
Барчаси
