Qashqadaryodagi uyda gaz portladi
3-sahifa
−
25 aprel 2023 6335 1 daqiqa
Qashqadaryo viloyatining Kitob tumanidagi xonadonda gaz portladi. Bu haqda viloyat Favqulodda vaziyatlar boshqarmasi xabar berdi.
Aniqlanishicha, voqea kecha, 24 aprel kuni soat 21:49 larda Kitob tumani “Guliston” mahallasida joylashgan 4 qavatli uyning 13-xonadonida yuz bergan.
Buning oqibatida fuqaro A.E. yengil tan jarohati olib tuman tibbiyot birlashmasiga yotqizilgan.
Portlash sababli uyning deraza va eshik romlari joyidan qo‘zg‘algan.
Voqea joyiga FVB, IIB, SSB hamda prokuratura mas’ullari chiqqan.
Holat yuzasidan tegishli soha vakillari tomonidan surishtiruv ishlari olib borilayotgani aytilgan.
