Qashqadaryoda “tanka”si orqali o‘qishga kiritib qo‘ymoqchi bo‘lgan shaxs ushlandi
Jamiyat
−
22 fevral 4765
Qashqadaryo viloyatida o‘qishga kiritib qo‘yish bilan bog‘liq firibgarlik holati fosh etildi. Bu haqda Bosh prokuratura huzuridagi departament xabar berdi.
Ma’lum qilinishicha, departamentning Qarshi tuman bo‘limi, DXX va IIB xodimlari hamkorligida tezkor tadbir o‘tkazilgan. Tadbirda X.N. ismli shaxs fuqaro G.Q.ni go‘yoki yuqori lavozimda ishlovchi tanishlari yordamida “Iqtisodiyot va pedagogika universiteti” nodavlat oliy ta’lim muassasasining 3-bosqichidan o‘qishga kiritib qo‘yishi evaziga 1 ming 200 dollar olgan vaqtida ushlangan.
"Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda", deyiladi xabarda.
Eslatib o‘tamiz, avvalroq Qarshi davlat universitetining yuriskonsulti o‘qishni ko‘chirib berish evaziga 8 ming AQSH dollarini olgan vaqtida ushlangandi.
Ulkanbayeva Rayhona
Live
Barchasi
