Qashqadaryoda 18 yashar qiz o‘zini osib qo‘ygani bo‘yicha rasmiy ma’lumot berildi

Jamiyat 43601
image

Ijtimoiy tarmoqlarda Qashqadaryoning Koson tumanida 18 yoshli M.Jo‘rayeva o‘z joniga qasd qilganligi haqidagi xabarlar tarqalgandi. O‘zbekiston Bosh prokuraturasi mazkur holat yuzasidan bayonot berdi.

Unda bildirilishicha, joriy yilning 9 may kuni Koson tumani, Islom Karimov ko‘chasida joylashgan uyda ijarada yashab kelgan 18 yoshli M.Jo‘rayeva o‘zini osib, vafot etgan.

Tekshirish davomida, marhuma M.Jurayevaning turmush o‘rtog‘i bilan o‘rtalarida doimiy ravishda urish-janjal bo‘lib kelganligi, turmush o‘rtog‘i uni haqorat qilib urib tan jarohati yetkazib, sha’ni va qadr-qimmatini kamsitib kelganligi aniqlangan.

Mazkur holat yuzasidan 8 iyun kuni Koson tumani prokuraturasi tomonidan Jinoyat kodeksining 103-moddasi (O‘zini o‘zi o‘ldirishga undash) bilan jinoyat ishi qo‘zg‘atilgan.

Tergov harakatlari olib borilmoqda.

Sunnatilla Abdullayev
Maqolaga baho bering
Baholaganlar: 2226
Reyting: 2.9
t
×