Italiya A seriyasiga bugun start beriladi. Shomurodov jamoasi ilk turda kim qarshi o‘ynaydi?

Sport

−

21 avgust 2021 visibility10848 timer1 daqiqa

Bugun, 21 avgust kuni Italiya A seriyasining yangi mavsumiga start beriladi.

O‘tgan mavsum chempioni Milanning “Inter” klubi o‘z maydonida Genuyaning “Jenoa”sini qabul qiladi. Uchrashuv toshkent vaqti bilan soat 21:30 da boshlanadi. Shuningdek, Bergamoning “Atalanta” jamoasi Turinda “Torino” mehmoni bo‘ladi.

Ertaga, 22 avgust kuni “Udineze” “Yuventus”ni qabul qilsa, o‘zbekistonlik Eldor Shomurodov bilan shartnoma imzolagan “Roma” Florensiyaning “Fiorentina” klubi bilan bahs olib boradi.

Birinchi tur uchrashuvlari “Sampdoriya” va “Milan” uchrashuvi bilan o‘z yakuniga yetadi.

Ma’lumot uchun, Italiya chempionatining o‘tgan mavsumida “Inter” 91 ochko to‘plagan holda chempionlikka erishgan edi. 2-o‘rin “Milan”, 3-o‘rin esa “Atalanta”ga nasib qilgan.

Maqola muallifi