Isroilning G‘arbiy Sohilga raketa hujumi oqibatida 5 falastinlik halok bo‘ldi
Olam
−
18 noyabr 2023 3255
Isroil tomonidan G‘arbiy Sohildagi “Balata” lageri o‘qqa tutilishi oqibatida besh kishi halok bo‘ldi. Bu haqda Falastin davlat televideniyesi xabar berdi.
Ma’lum qilinishicha, Isroil armiyasi “Fath” harakatining "Balata" qochqinlar lageridagi qarorgohiga uchuvchisiz havo vositalari yordamida hujum uyushtirgan.
Hujum qilingan binoda yong‘in kelib chiqib, jiddiy moddiy zarar yetkazgan.
Hujum oqibatida besh falastinlik halok bo‘lgan. Falastin Qizil Yarim Oy Jamiyati bayonotida o‘z shifokorlari hujumdan jiddiy jarohat olganini ma’lum qilib, ularning barchasi 19 yoshdan 25 yoshgacha bo‘lgan erkakligini bildirgan.
Ma’lumotlarga ko‘ra, oktyabr oyi boshidan beri G‘arbiy Sohilda Isroil qo‘shinlari hujumlari oqibatida kamida 186 nafar falastinlik, jumladan, 51 bola halok bo‘lgan.
Eslatib o‘tamiz, avvalroq Isroil samolyoti Jeninga zarba bergandi.
