Isroilni yo‘q qilish mintaqa muammolarini hal qilishning kalitidir – Yaman rasmiysi

Yaman Oliy siyosiy kengashi kotibi Yasir al-Xuriy Yaman xalqi nafaqat G‘azo sektori aholisini qo‘llab-quvvatlash bo‘yicha olib borayotgan amaliyotlarining oqibatlaridan qo‘rqmayotgani, balki ularni kengaytirish va mustahkamlash imkoniyatlarini ham o‘rganayotganini aytdi. Bu haqda u bugun, 26 iyul kuni IRNAga bergan intervyusida so‘z ochdi.

“Yaman xalqi Tangriga iymon keltirgan holda, o‘z rahbarlari va amaldorlari bilan hamjihatlikda, mazlum Falastin xalqi va G‘azo sektori aholisini bor kuch va imkoniyatlari bilan qo‘llab-quvvatlamoqda”, degan Yasir al-Xuriy.

Al-Xuriyga ko‘ra, Falastin va G‘azo sektoridagi hozirgi vaziyat bir necha jihatlarga ega. Asosiysi – o‘z yurtiga sodiq qolgan va haydash yoki ko‘chirishning har qanday shaklini rad etuvchi aholiga ta’sir qiladigan ocharchilik.

Uning ta’kidlashicha, yana bir jihati G‘azo sektori aholisiga sodir etilgan genotsid va qirg‘inlar, bu jinoyatlarning bir qismi gumanitar yordam niqobi ostida sodir etilgan. Uchinchi jihat esa Falastin xalqining qahramonona chidamliligi va qarshiligi.

“Birinchi ikki sahna arab va islom rejimlarining xiyonati, shuningdek, xalqaro hamjamiyatning sharmandali sukuti va sherikligi oqibatidir”, degan Yamanning “Ansorulloh” harakatining yuqori martabali rasmiysi.

Al-Xuriy nutqining yana bir qismida Falastin ishg‘oli boshlangandan beri islomiy davlatlar birlashib, qarshilik ko‘rsatmayotgani mintaqadagi muammolardan biri ekanini aytdi.

“Bu muammoning yagona haqiqiy yechimi Falastindagi jinoyatlari va ommaviy qotilliklari butun dunyoga ayon bo‘lgan sionistik rejimni yo‘q qilishdir. Bu maqsadga erishish faqat islom dunyosining uyg‘onishi va sionistik rejimning jinoiy mohiyatini tan olish orqali mumkin bo‘ladi”, deb ta’kidladi u.

Eslatib o‘tamiz, avvalroq Isroil kuchlari G‘azoning markaziy qismidagi Dayr al-Balah shahrida 20 oydan ortiq vaqt davomida hech qanday jangovar jang bo‘lmagan hududda quruqlikdan va havodan operatsiya boshlagani haqida xabar berilgandi.