Isroil Madrimovning vaznida mutlaq chempionlik jangi o‘tkazildi

Sport

image

Bugun, 18 iyul kuni AQSHning San-Antonio shahridagi “AT&T” markazida professional boks kechasi tashkil etildi.

Turnirning markaziy jangi birinchi o‘rta vazn toifasining mutlaq jahon chempionligi uchun bo‘lib o‘tdi. WVC, WVA va IBF kamarlari sohibi Jermell Charlo (34-1-1, 18 KO) va WBO chempioni Brayan Kastano (17-0-2, 12 KO) o‘rtasidagi bahs kutilmaganda durang natija bilan yakunlandi.

Bahs to‘liq 12 raund davom etdi. Hakamlar 117-111, 113-114, 114-114 hisobini qayd etishdi. Shu tariqa har ikki jangchi o‘zining chempionlik kamarini saqlab qoldi va ma’lum muddatdan so‘ng revansh janggi tashkil etilishi aytib o‘tildi.

E’tiborli tomoni shundaki, ushbu vaznda WBA intercontinental kamari sohibi o‘zbekistonlik Isroil Madrimov hisoblanadi. U o‘zi ishtirok etgan 7 bahsning barchasida raqiblarini mag‘lub etgan, hisobida 5 nokaut mavjud. Isroil navbatdagi jangini fransiyalik Maykl Soroga qarshi WBA Gold chempionlik kamari uchun o‘tkazadi. Soro shu kungacha 35 ta g‘alaba (24 KO), 2 mag‘lubiyat va bitta durang qayd etgan. Bellashuv g‘olibi katta ehtimol bilan mutlaq chempionga qarshi ringga ko‘tariladi.


Maqola muallifi

Teglar

Professional boks Isroil Madrimov WBA WBC Brayan Kastan'o Jermell Charlo Maykl Soro IBF WBO

Baholaganlar

205

Reyting

3

Maqolaga baho bering

Doʻstlaringiz bilan ulashing