Isroil qochqinlar lageriga hujum qildi. Qurbonlar bor
Olam
−
02 mart 6348
Bugun, 2 mart kuni Isroil Rafahdagi qochqinlar lageriga havo hujumi uyushtirdi, oqibatda kamida 11 falastinlik, jumladan tibbiyot xodimlari halok bo‘ldi. Bu haqda Falastin Sog‘liqni saqlash vazirligiga tayanib, CNN xabar bermoqda.
Bildirilishicha, zarba Rafahdagi Tal al-Sulton lageridagi tug‘ruqxona darvozasi oldida tikilgan chodirlar yaqiniga berilgan. 50 ga yaqin odam, jumladan, bolalar yaralangan.
Vazirlik ma’lumotlariga ko‘ra, zarba oqibatida halok bo‘lganlar orasida shifoxonada ishlovchi feldsher Abdulfattoh Abu Marhi va hamshira ham bor.
Eslatib o‘tamiz, 29 fevral kuni Isroilning G‘azo sektorida gumanitar yordam kutayotgan falastinliklarga hujum qilgani oqibatida 100dan oshiq odam halok bo‘lgandi. BMT Xavfsizlik Kengashi esa AQSHning qarshiligi sabab mazkur holat uchun Isroil harbiylarini ayblagan bayonotni qabul qila olmadi.
Sarvar Xurramov
Live
Barchasi
