Islom Maxachev chempionlik kamarini o‘zida saqlab qoldi (video)

Yengil vazn toifasida rossiyalik UFC chempioni Islom Maxachev Los-Anjelesda yakunlangan UFC 311 turnirining asosiy jangida braziliyalik Renato Moikanoni mag‘lub etdi.

Jang 3 daqiqa 31 soniya davom etdi. Maxachev birinchi raunddayoq raqibini bo‘g‘ish usulida mag‘lub etdi. Ushbu g‘alaba bilan u chempionlik kamarini o‘zida saqlab qoldi.

Islom Maxachev yengil vazn toifasida UFC ro‘yxatida birinchi o‘rinni egalladi. Uning bugungi raqibi Arman Sarukyan (yengil vazn toifasida birinchi o‘rin uchun da’vogar) bo‘lishi kerak edi, biroq 17 yanvar kuni sportchi turnirdan ketishini e’lon qildi. Uning o‘rnini reytingda o‘ninchi o‘rinni egallab turgan Renato Moikano egalladi.

Maxachev 2022 yilning oktyabr oyida braziliyalik Charlz Oliveyrani mag‘lub etib, yengil vaznda UFC chempionligini qo‘lga kiritgan. Shundan so‘ng rossiyalik avstraliyalik Aleksandr Volkanovski bilan jangda ikkinchi marta o‘z kamarini himoya qilgan, o‘tgan yilning iyun oyida esa amerikalik Dastin Poreni mag‘lub etgandi.

Eslatib o‘tamiz, avvalroq armanistonlik Arman Sarukyan belidan olgan jarohati sabab UFC 311 turnirining markaziy jangida rossiyalik Islom Maxachevga qarshi jangda ishtirok etmasligi ma’lum qilingandi.