Iphone 15 Pro Max Apple tarixidagi eng qimmat smartfon bo‘ladi

Yaqin oylarda taqdim etilishi kutilayotgan Iphone 15 Pro Max seriyasi Apple taqdim etgan eng qimmat smartfon bo‘lishi kutilmoqda. Bu haqda “Tech Hindustan Times” nashri xabar berdi.

Apple Iphone muxlislari uchun navbatdagi modelni taqdim etish ustida ish olib bormoqda. Kompaniya so‘nggi yillarda yangi smartfonlari uchun izchil narxlarni saqlab kelayotgan edi, ammo Iphone 15 Pro Max Apple tarixidagi eng qimmat Iphone bo‘lishi kutilmoqda. 

Aytilishicha, kattaroq displey va batareya hamda periskop linzalarning qo‘shilishi ushbu smartfonning qimmat narxini ta’minlaydi. Iphone 15 Pro Max 1099 AQSH dollariga baholangan Iphone 14 Pro Max’dan kamida 100 dollarga qimmat bo‘lishi kutilmoqda. 

Yangi seriya o‘zining avlodlaridan farqli o‘laroq 4 ta modelni o‘z ichiga oladi: Iphone 15, Iphone 15 Plus, Iphone 15 Pro va Iphone 15 Pro Max.

Ma’lumotlarga ko‘ra, iPhone 15 seriyasining barcha to‘rtta modeli uzoq vaqtdan beri mavjud bo‘lgan Lightning porti o‘rnini bosuvchi USB-C porti bilan jihozlanadi. Bundan tashqari, iPhone 15 Pro va Pro Max yangi A17 Bionic chipi, periskop telefoto kamerasi, yangilanish tezligi 120 Grs displey va 48 megapikselli kameraga ega bo‘ladi. 

Apple iPhone 15 seriyasini ishlab chiqarish avgust oyida boshlanishi va sentyabr oyida sotuvga chiqarilishi kutilmoqda.

Eslatib o‘tamiz, yaqinda Apple imkoniyati cheklanganlar uchun yangi dastur yaratish ustida ishlayotganini e’lon qilgan.

Sevara Husniddinova