IIBdan chiqqan rahbar Nukus tumaniga hokim bo‘ldi

Qoraqalpog‘iston Respublikasining Nukus tumaniga yangi hokim tayinlandi. Bu haqda “Davlat boshqaruvi” Telegram-kanalida xabar berildi.

Ma’lum qilinishicha, Ziyauatdin Imamatdinovich Zaytov Nukus tumani hokimi lavozimiga tayinlangan.

Tayinlovga qadar Z.Zaytov Nukus shahar bo‘yicha ichki ishlar organlari faoliyati muvofiqlashtirish boshqarmasi boshlig‘i lavozimida ishlagan. Shuningdek, u Chimboy tumani IIB boshlig‘i, Qo‘ng‘irot tumani, Qoraqalpog‘iston Vazirlar Kengashi raisining birinchi o‘rinbosari lavozimlarida ham xizmat qilgan. 

Nukus tumaniga shu vaqtga qadar Umirbay Usnatdinov hokimlik qilib kelayotgan edi. U 2020 yil aprel oyi oxirlarida Qoraqalpog‘iston Respublikasi Jo‘qorg‘i Kengesi raisining buyrug‘i bilan Nukus tumani hokimi vazifasini bajaruvchi etib tayinlangan. Undan avval esa Qoraqalpog‘iston Respublikasi Qishloq xo‘jaligi vaziri vazifasini bajargan.