Gvardiola Husanovning “Liverpul”ga qarshi o‘yini haqida nimalar dedi?
Sport
−
24 fevral 2025 38784 1 daqiqa
Abduqodir Husanov “Liverpul”ga qarshi tez va tartibli o‘yin ko‘rsatdi. Bu haqda “Manchester Siti” klubi bosh murabbiyi Pep Gvardiola o‘yindan keyingi matbuot anjumanida aytdi.
“U Madridda ham yaxshi harakat qilgandi. “Santyago Bernabeu”dagi o‘yinda o‘ng qanotda harakat qildi va Vinisiusga qarshi yaxshi o‘yin ko‘rsatdi. Bugun ham u xuddi shunday tez va intizomli harakat qildi. Rivojlantirishi kerak bo‘lgan xislatlar ham bor, biroq u juda qobiliyatli futbolchi”, deydi Gvardiola.
Ma’lumot o‘rnida, kecha, 23 fevral kuni APL 26-turi doirasida “Manchester Siti” o‘z uyida “Liverpul”ni qabul qilib, 2:0 hisobida mag‘lub bo‘ldi. Ushbu o‘yinda Abduqodir Husanov asosiy tarkibda maydonga tushdi va to‘liq 90 daqiqa o‘ynadi.
Eslatib o‘tamiz, o‘zbekistonlik futbolchi “Liverpul”ga qarshi o‘yinda “Sofascore” tomonidan 7.2 ballga loyiq ko‘rilgan edi.
Live
Barchasi31 dekabr 2025
Farg‘ona davlat texnika universiteti rektori Qo‘ng‘irotboy Sharipovga yangi o‘rinbosar bo‘ldi.
30 dekabr 2025
30 dekabr 2025
30 dekabr 2025
29 dekabr 2025
