Guterrish BMT Xavfsizlik Kengashiga yana bir davlat qo‘shishni taklif qildi
Olam
−
06 may 2022 11377
BMT Xavfsizlik Kengashining doimiy a’zolari qatorida Afrikadan vakil bo‘lishi kerak. Bu haqda BMT Bosh kotibi Antoniu Guterrish aytib o‘tdi.
Guterrish Afrika davlatlarining BMT Xavfsizlik Kengashidagi doimiy vakolatxonasi bo‘lishini qo‘llab-quvvatlashini bildirgan.
“Xavfsizlik Kengashining Afrika qit’asidan doimiy a’zo bo‘lishi kerakligini tan olish juda adolatli”, degan u.
Guterrishning aytishicha, BMT Xavfsizlik kengashini isloh qilish butun BMTni isloh qilish uchun zarur.
Birlashgan Millatlar Tashkiloti Xavfsizlik Kengashi veto huquqiga ega 5 doimiy a’zodan iborat: AQSH, Buyuk Britaniya, Rossiya, Fransiya va Xitoy.
