Gruziyada dahshatli ko‘chki kurort zonaga yopirildi (video)
Olam
−
05 avgust 2023 7495 1 daqiqa
Gruziyaning Shovi kurort hududi yaqinida ko‘chki sodir bo‘ldi. Oqibatda 11 kishiga halok bo‘ldi. Bu haqda respublika Mudofaa vazirligiga tayanib, “Sputnik Gruziya” xabar berdi.
Ko‘chki oqibatida elektr uzatish liniyalari, ko‘priklar va yo‘llar, shuningdek, sayyohlik uylari va mehmonxona zarar ko‘rgan. Ofat hududidan 210 nafar sayyoh va mahalliy aholi vertolyotlar va maxsus texnika yordamida xavfsiz joyga evakuatsiya qilingan. Hududda qidiruv-qutqaruv ishlari davom etmoqda.
Dastlabki hisob-kitoblarga ko‘ra, ko‘chki 5 million kub metrdan ortiq maydonni harakatga keltirgan. Geolog Merab Gaprindashvilining ta’kidlashicha, G‘arbiy Gruziyada hech qachon bunday ko‘lamli kataklizmlar bo‘lmagan.
Fojia munosabati bilan 7 avgust Gruziyada motam kuni deb e’lon qilingan.
Live
Barchasi
