Gruziyada hokimiyatni kuch bilan egallashga urinish bo‘lmoqda – DXX (video)

Tbilisida parlament binosi yonida hukumatga qarshi namoyishlar Gruziyada hokimiyatni zo‘ravonlik bilan egallashga urinish bo‘layotganidan dalolat bermoqda. Bu haqda Gruziya Davlat xavfsizlik xizmatining (DXX) bayonotida aytiladi.

“Mamlakatimizda so‘nggi kunlarda sodir bo‘layotgan voqealar rejalashtirilgan buzg‘unchilik jarayonlari Davlat xavfsizlik xizmati tomonidan hokimiyatni zo‘ravonlik yo‘li bilan egallab olish ishi bo‘yicha olib borilgan tergov-surishtiruv ishlari doirasida aniqlangan haqiqiy holatlarga muvofiq amalga oshirilayotganidan dalolat beradi. Bu haqda jamoatchilikni oldindan xabardor qildik”, deyiladi bayonotda.

DXXga ko‘ra, Muayyan siyosiy partiyalar va nohukumat tashkilotlar Gruziyada hokimiyatni zo‘ravonlik bilan egallab olishdan manfaatdor. Gruziya razvedka xizmati Jinoyat kodeksining “Gruziya konstitutsiyaviy tuzumini majburan o‘zgartirish maqsadida fitna yoki isyon” moddasi bo‘yicha tergov olib bormoqda.

Gruziya Bosh vaziri Irakliy Kobaxidzening ogohlantirishicha, Tbilisi markazida namoyishlar ishtirokchilari tomonidan zo‘ravonlik holatlari ko‘payib borayotganiga qaramay, mamlakat rasmiylari ularning Ukraina Maydanidagi ssenariyga o‘xshash voqealarga aylanishiga yo‘l qo‘ymoqchi emas. 

“2013 yildagi Ukrainadan farqli o‘laroq, Gruziya mustaqil davlat, kuchli institutlar, eng muhimi, tajribali va dono odamlardir. Maydan ssenariysini Gruziyada amalga oshirish mumkin emas. Gruziya davlati bunga yo‘l qo‘ymaydi”, deydi u.

Bosh vazirning ta’kidlashicha, tartibsizliklarni qo‘zg‘atuvchilarning radikal guruhi taxminan 500 kishidan iborat. Ular tartibli ravishda politsiyaga qarshi tajovuzkor harakatlar, jumladan, molotov kokteyllari va pirotexnika vositalaridan foydalangan holda sodir etgan.

Kobaxidzening fikricha, Tbilisidagi namoyishchilarning zo‘ravonlik harakatlari uchun barcha javobgarlik yevropalik siyosatchilar, byurokratlar, shuningdek, ularning Gruziyadagi agentlari – radikal muxolifat partiyalari shaklidagi "beshinchi kolonna" zimmasiga tushadi.

“Radikallar va ularning chet ellik homiylari Gruziyani beqarorlik va tartibsizlik yaratish, ukrainlashtirish uchun har qanday sabab o‘ylab topishga harakat qilmoqda. Gruziyada Maydan ssenariysi amalga oshirilmaydi. Oxirgi uch yil davomida jamiyatimiz guvohi bo‘lgan bunday yolg‘on va ikkiyuzlamachilik gruzinlarning Yevropa institutlariga bo‘lgan ishonchini pasaytiradi”, dedi Bosh vazir.

Eslatib o‘tamiz, avvalroq Tbilisi va Gruziyaning boshqa shaharlarida Bosh vazir Irakliy Kobaxidze Yevropa Ittifoqiga qo‘shilish bo‘yicha muzokaralarni 2028 yilgacha to‘xtatganini e’lon qilganidan keyin stixiyali norozilik namoyishlari boshlangandi. Irakliy Koxabidzening aytishicha, mamlakat keyingi to‘rt yil davomida Yevropa Ittifoqining har qanday byudjet grantlari va kreditlaridan butunlay voz kechadi.

Gruziya Prezidenti Salome Zurabishvili hukmron “Gruziya orzusi” partiyasining muzokaralarni to‘xtatish qarori “bir necha oy avval boshlangan konstitutsiyaviy to‘ntarishning yakuniy nuqtasi bo‘ldi”, deb atadi. U ham namoyishchilar bilan uchrashish uchun maydonga chiqdi.