Gruziya parlamenti “xorijiy agentlar” haqidagi qonunga qo‘yilgan Prezident vetosini bekor qildi

Gruziya parlamenti Prezident Salome Zurabishvilining “xorijiy agentlar” haqidagi qonunga asoslantirilgan izohlariga qarshi ovoz berdi va shu tariqa vetoni bekor qildi. Yig‘ilish qonun chiqaruvchi organ saytida jonli efirda namoyish etildi.

66 deputat Prezident vetosiga qarshi 50 kvorum bilan ovoz berdi. Shundan so‘ng deputatlar qonunning asl nusxasi uchun ovoz berdi, uni 76 kvorum bilan 84 deputat qo‘llab-quvvatladi, 4 nafar deputat esa qarshi ovoz berdi.

Tartibga ko‘ra, qonun yana uch kun ichida Prezidentga imzolash uchun yuboriladi, agar davlat rahbari uni besh kun ichida imzolamasa, qonun parlament spikeri Shalva Papuashvili tomonidan imzolanadi va e’lon qilinadi.  Shundan so‘ng u ayrim moddalarning istisnosi bilan kuchga kiradi.

Ayni paytda qonun chiqaruvchi organ devorlari yonida qonunga qarshi miting bo‘lib o‘tmoqda. Namoyishchilar Rustaveli xiyobonida parlament fasadiga yaqin joyda joylashib, uni to‘sib qo‘ydi. Namoyishchilar parlamentga xizmat kirishlarida ham bor. Biroq politsiya deputatlar to‘siqsiz chiqib ketishlari uchun namoyishchilarga kirishlarni to‘sib qo‘yish imkoniyatini bermayapti. Politsiya bilan to‘qnashuvlar yo‘q.