Gruziya Konstitutsiyaviy sudiga Prezidentning impichmenti bo‘yicha so‘rov yuborildi
Olam
−
11 Sentabr 2023
2353Gruziya Prezidenti Salome Zurabishviliga impichment e’lon qilinganligi haqidagi hujjatlar 11 sentyabr, seshanba kuni mamlakat Konstitutsiyaviy sudiga topshirildi. Bu haqda hukmron “Gruziya orzusi” partiyasi raisi Irakliy Kobaxidze ma’lum qildi.
Uning aytishicha, Konstitutsiyaviy sud bir oy muddatda jamoatchilik va parlamentga o‘z xulosasini taqdim etishi kerak.
"Albatta, biz bu xulosani kutamiz va shundan keyin protseduralar davom etadi", degan Kobaxidze.
Eslatib o‘tamiz, Gruziyada hukmron “Gruziya orzusi” partiyasi tashabbusi bilan Prezident Salome Zurabishviliga qarshi impichment jarayoni boshlangan edi. Prezidentning o‘zi esa iste’foga chiqmasligini aytgandi.
LiveBarchasi