Грузия Конституциявий судига Президентнинг импичменти бўйича сўров юборилди
Олам
−
11 Сентябрь 2023 2920
Грузия Президенти Саломе Зурабишвилига импичмент эълон қилинганлиги ҳақидаги ҳужжатлар 11 сентябрь, сешанба куни мамлакат Конституциявий судига топширилди. Бу ҳақда ҳукмрон “Грузия орзуси” партияси раиси Ираклий Кобахидзе маълум қилди.
Унинг айтишича, Конституциявий суд бир ой муддатда жамоатчилик ва парламентга ўз хулосасини тақдим этиши керак.
"Албатта, биз бу хулосани кутамиз ва шундан кейин процедуралар давом этади", деган Кобахидзе.
Эслатиб ўтамиз, Грузияда ҳукмрон “Грузия орзуси” партияси ташаббуси билан Президент Саломе Зурабишвилига қарши импичмент жараёни бошланган эди. Президентнинг ўзи эса истеъфога чиқмаслигини айтганди.
