Futbol o‘yinidagi to‘qnashuvda 100 ga yaqin odam halok bo‘ldi

Gvineyaning ikkinchi yirik shahri Nzerekoreda futbol o‘yini muxlislari o‘rtasidagi to‘qnashuvda yuzga yaqin odam halok bo‘ldi. Bu haqda “Barron’s” xabar berdi.

Shifokorlardan birining so‘zlariga ko‘ra, 100 ga yaqin odam halok bo‘lgan, jasadlar mahalliy shifoxona va o‘likxonani to‘ldirgan.

“Kasalxonada jasadlar ko‘z ko‘rinadigan darajada tizilgan. Boshqalar koridorlarda yerda yotibdi. O‘likxona to‘lgan”, deydi shifokor.

Ma’lumotlarga ko‘ra, hakam qizil kartochka ko‘rsatib, jamoalardan birining darvozasiga penalti belgilagan. Shundan so‘ng muxlislar mushtlashuvni boshlab yuborgan.

Politsiya ularni ajratish uchun ko‘zdan yosh oqizuvchi gaz ishlatgan. Keyin esa muxlislar stadiondan ketmoqchi bo‘lgan va chiqish joylarida tirbandlik paydo bo‘lgan. Ko‘pchilik bo‘g‘ilishdan va tashqariga chiqishga urinayotganda stadion devoridan yiqilib halok bo‘lgan.

O‘yin Gvineyadagi isyonchilar yetakchisi polkovnik Mamadi Doumbuya sharafiga o‘tkazilgan turnir doirasida bo‘lgan.