FIFA prezidenti elektron tablodan foydalanishni o‘rgandi (Video)

Xalqaro futbol federatsiyasi (FIFA) rahbari Janni Infantino futbolchilarni almashtirish uchun elektron tablodan foydalanishni o‘rgandi. Bu haqda TASS nashri xabar berdi.

Kecha, 12 dekabr kuni Dohadagi “Al Tumama” stadionida futbol afsonalari va Qatardagi Jahon chempionati mutasaddilari o‘rtasida o‘rtoqlik o‘yini tashkil etildi. Tanaffus vaqtida Infantino futbol hakami vazifasini bajardi va 20 hamda 22 raqamlari yozilgan tablodan foydalanib ko‘rdi. 

Uchrashuvda Braziliya terma jamoasi safida ikki karra jahon chempioni Kafu, besh karra Angliya chempioni Jon Terri, 2002 yilgi jahon chempioni braziliyalik Roberto Karlos, 2006 yilgi jahon chempionati sovrindorlari – italiyalik Marko Materatssi, Alessandro del Pero va boshqa mashhurlar ishtirok etdi. 

Ma’lumot uchun, futbol bo‘yicha Jahon chempionati ilk bor Qatarda o‘tkazilmoqda. Turnirning yarim finalida Argentina va Xorvatiya, shuningdek, Fransiya va Marokash terma jamoalari to‘qnash keladi. Uchrashuvlar 13 va 14 dekabr kunlari bo‘lib o‘tadi. Final uchrashuvi 18 dekabr kuni Lusail shahridagi "Milliy" stadionda o‘tkaziladi.