FIFA ko‘k kartochka islohotini qo‘llab-quvvatlamoqchi emas
Sport
−
09 fevral 3858
Xalqaro futbol federatsiyasi (FIFA) ko‘k kartochka haqidagi xabarlarga munosabat bildirdi.
“FIFA ko‘k kartochkalar top darajadagi o‘yinlarda amalda bo‘lishi noto‘g‘riligini va hali bu amaliyotga erta ekanligini ma’lum qiladi. Har qanday yangilikni sinov tariqasida quyi ligalarda amalga oshirish bilan cheklash kerak”, deyiladi tashkilot bayonotida.
Ma’lum bo‘lishicha, 2 mart kuni bo‘lib o‘tadigan Xalqaro futbol assotsiatsiyasi kengashining (IFAB) yillik umumiy yig‘ilishida FIFA bu masala bo‘yicha o‘z pozitsiyasini bildiradi.
Eslatib o‘tamiz, avvalroq futbolda yangi ko‘k kartochka paydo bo‘lishi haqida xabar berilgandi.
Hakam bunday kartochkani futbolchilarga xavfli hujumni to‘xtatib qo‘yadigan taktik qoidabuzarlik hamda uchrashuv rasmiysi bilan keskin tortishgani uchun ko‘rsatadi.
